क्याम्पस भवनको शिलान्यास

गुलरिया (बर्दिया), १७ असोज । बाँसगढी बहुमुखी क्याम्पसको भवनको शिलान्यास गरिएको छ ।

विश्व विद्यालय अनुदान आयोगको रु २५ लाख अनुदानमा निर्माण गरिन लागेको चार कोठाको भवनको एक कार्यक्रमका बीच पञ्चशीला राखेर शिलान्यास गरिएको हो ।

क्याम्पस सञ्चालक समितिका अध्यक्ष सविनकुमार थापा, जग्गादाताका तर्फबाट रामकृष्ण पौडेल, भवन निर्माण अनुगमन समितिका संयोजक सालिकराम अधिकारीले सामूहिक रुपमा शिलान्यास गर्नुभएको थियो ।

कार्यक्रममा संस्थाका संस्थापक कर्णबहादुर रावत, प्रमुख अथिति नन्नलाल पौडेल, सबैभन्दा धेरै शेयर राख्ने कमलनाथ थारु र साउनी बोगटीलाई दोसल्ला ओडाएर सम्मान गरिएको थियो ।