बुटवलको तिनाउ नदीमा डुबेर विद्यार्थीको मृत्यु

तिलोत्तमा (रुपन्देही), ५ भदौ । बुटवलको तिनाउ नदीमा पौडी खेल्ने क्रममा डुबेर एक बालकको मृत्यु भएको छ ।

बुटवलको होराइजन स्कुलमा कक्षा ५ मा अध्ययन गर्ने देवीनगर जनजागरण पथमा बस्दै आएका बाबु डिल्लीराज गिरी र आमा पवित्रा गिरीका १० बर्षीय छोरा आयुप गिरीको मृत्यु भएको हो ।

शनिबार साँझ पौडी खेल्ने क्रममा नदीले बगाए पनि आज बिहान मात्रै प्रहरीले भेटृाएको इलाका प्रहरी कार्यालय बुटवलका प्रहरी नायब उपरीक्षक महेन्द्र खड्काले बताउनुभयो ।

खोलाले बगाएपछि विद्यालयले घटनालाई गोप्य राख्ने प्रयास गरेको स्थानीयवासीको भनाइ छ । शव परीक्षणका लागि लुम्बिनी अञ्चल अस्पताल बुटवलमा ल्याइएको छ । प्रहरीले देवीनगर - १३ मा तिनाउ नदीले बालकलाई पौडी खेलेको स्थानभन्दा २०० मिटर तल पुर्‍याएको बताएको छ ।