मुस्लिम विद्यार्थीलाई पुरस्कार

विराटनगर, २९ साउन । इस्लामिक सङ्घ नेपाल कोसी अञ्चलले २०७२ सालको प्रवेशिका परीक्षामा उत्तीर्ण भएका मुस्लिम विद्यार्थीलाई आज विराटनगरमा सम्मानका साथै पुरस्कृत गरेको छ ।

मोरङ र सुनसरी जिल्लाका ११५ जना छात्रछात्रालाई कलम, डायरी र क्याल्कुलेटर प्रदान गरी सम्मान गरिएको हो ।

सहभागीलाई इस्लामी सङ्घका अब्दुल्ला गुरुङ, सङ्घका कोसी अञ्चल अध्यक्ष निजामउद्धिन फलाई, अलहिरा एजुकेसन सोसाइटी नेपालका महासचिव गुलाम रसुल फलाई र जामे इसलाइमका अध्यक्ष निजामउद्धिन खानलगायतले संयुक्त रुपमा पुरस्कार वितरण गर्नुभएका थिए ।